影片
更多
2020-11-20
1337 瀏覽
香港大學站的14 South Lane是我很喜歡的餐廳，環境又靚又舒服，食物走健康路線擺盤精緻，隨手影張相都可以打卡，我帶每個朋友去食都一定開心滿意。餐廳今日中午推出了全新秋冬菜單，最受歡迎的純素班戟都換上全新口味，想知有幾好食，睇落去就知。由地鐵香港大學站 B2 出口行過去兩分鐘就到，交通方便。其實門口這兩個位都幾舒服，搵次要試下坐這邊先。好多人都同我一樣鍾意 14 South Lane，午飯時間常常滿座，周末仲可能要排隊添。坐窗邊採光靚，影人影食物都OK。這就是全新秋冬菜單，有塊葉標記的就是新菜式，Vegan的菜式越來越多了。FUNK N' BEETS LATTE HK$52這裡除了一般咖啡拿鐵之外，我更喜歡不同顏色的超級食物拿鐵，粉紅色這杯是紅菜頭肉桂，一飲就知係用新鮮紅菜頭打，味道有層次好豐富。我上次飲過西蘭花拿鐵，真係菜味架非常有趣，而且飲一杯就有30g西蘭花營養，又好似幾划算。飲品都不用牛奶用植物奶，仲有杏仁奶、燕麥奶和豆奶三款揀。最近我開始覺得杏仁奶味道太濃太霸道，所以都係飲返蛋白質豐富的豆奶。菜菜飲品都有加返溫熱的肉桂，飲的時候唔經太寒涼。Pumpkin Chocola
香港大學站的14 South Lane是我很喜歡的餐廳，環境又靚又舒服，食物走健康路線擺盤精緻，隨手影張相都可以打卡，我帶每個朋友去食都一定開心滿意。餐廳今日中午推出了全新秋冬菜單，最受歡迎的純素班戟都換上全新口味，想知有幾好食，睇落去就知。
由地鐵香港大學站 B2 出口行過去兩分鐘就到，交通方便。
其實門口這兩個位都幾舒服，搵次要試下坐這邊先。
好多人都同我一樣鍾意 14 South Lane，午飯時間常常滿座，周末仲可能要排隊添。
坐窗邊採光靚，影人影食物都OK。
這就是全新秋冬菜單，有塊葉標記的就是新菜式，Vegan的菜式越來越多了。
FUNK N' BEETS LATTE HK$52
這裡除了一般咖啡拿鐵之外，我更喜歡不同顏色的超級食物拿鐵，粉紅色這杯是紅菜頭肉桂，一飲就知係用新鮮紅菜頭打，味道有層次好豐富。我上次飲過西蘭花拿鐵，真係菜味架非常有趣，而且飲一杯就有30g西蘭花營養，又好似幾划算。
飲品都不用牛奶用植物奶，仲有杏仁奶、燕麥奶和豆奶三款揀。最近我開始覺得杏仁奶味道太濃太霸道，所以都係飲返蛋白質豐富的豆奶。
菜菜飲品都有加返溫熱的肉桂，飲的時候唔經太寒涼。
Pumpkin Chocolate Quinoa Pancke HK$128 (Vegan)
秋天來臨就是要吃南瓜，另外加入藜麥，吃起來份量十足。每層班戟中間有香濃黑朱古力醬，仲有南瓜籽可以咬下，橙皮和椰子忌廉再帶來更多層次，入口充滿幸福感。
看一下班戟的橫切面，因為沒有雞蛋做支撐結構，所以純素班戟比較有咬口，而且偏向實心好有飽足感。
Marrakech 馬拉喀什風味榖物碗 HK$118 (奶素)
Lentil Shakshuka 北非野菜芝士半熟蛋配多士 (採用有機雞蛋) HK$128
榖物碗其實就是一碗各式各樣蔬菜、藜麥和蛋白質，看起來像肉丸的是 Falafel ，入面綠色用豆子做，帶少許香料風味。中間白色長方形是我很喜歡的 Halloumi 芝士，煎香就好好食，屬很好的蛋白質和鈣質來源。
Shakshuka 大概係一碗番茄醬入面再煮隻蛋咁樣，這個加了扁豆吃起來更滿足，仲有菠菜和芝士，配多士食或者直接食都爽。
有雞蛋又有芝士一定好好食啦！
你可能都同我一樣已經食過好多次 14 South Lane，不過有新 meun 當然都要再去食啦，記得要試南瓜朱古力班戟啊！一定唔會失望！
張貼
