影片
更多
2024-02-06
52 瀏覽
📍好耐之前已經mark低咗呢間韓國菜fine dinning，真係未食過主打釜山菜嘅餐廳！用落地玻璃有靚景打卡。今次lunch揀咗4 courses set lunch ($538)，店員都會好細心為我哋介紹送上嚟嘅每一道菜。Deul Kkae - Juk韓國傳統粥超過15小時烹調，材料仲用上當造特色蔬菜、韓牛同新鮮蜆肉，粥上面再加埋麻油，非常濃稠。Jili - Tang第二道菜海鮮湯上面再加上泡沫，再配埋釜山鮑魚。呢個海鮮湯入口清甜，鮑魚彈牙又新鮮。Jan Chi主菜分別可以揀澳洲和牛、濟州黑毛豬五花同烤釜山鰻魚，我揀咗澳洲和牛，一上菜嗰陣真係覺得擺碟好靚！牛味香濃再配埋帶微辣黑椒汁好好食！另外份濟州黑毛豬五花係用咗36小時慢煮，食落入口即化，再包埋蘿蔔同紫蘇葉嚟食，完全唔會覺得肥膩。JinSu - Sung Chen 店主用釜山嘅農田珍珠米，再以特製壓力煲煮成，飯粒口感煙韌。鰻魚湯就用咗48小時熬製，配埋飯做湯飯食好香。另外仲會有五種時令特色釜山伴菜自由配嚟食。最後仲可以揀返一款coffee/tea搭配一道韓國傳統甜食餅，望住個靚景一路傾偈真係超舒服！
📍好耐之前已經mark低咗呢間韓國菜fine dinning，真係未食過主打釜山菜嘅餐廳！
用落地玻璃有靚景打卡。今次lunch揀咗4 courses set lunch ($538)，店員都會好細心為我哋介紹送上嚟嘅每一道菜。
Deul Kkae - Juk
韓國傳統粥超過15小時烹調，材料仲用上當造特色蔬菜、韓牛同新鮮蜆肉，粥上面再加埋麻油，非常濃稠。
Jili - Tang
第二道菜海鮮湯上面再加上泡沫，再配埋釜山鮑魚。呢個海鮮湯入口清甜，鮑魚彈牙又新鮮。
Jan Chi
主菜分別可以揀澳洲和牛、濟州黑毛豬五花同烤釜山鰻魚，我揀咗澳洲和牛，一上菜嗰陣真係覺得擺碟好靚！
牛味香濃再配埋帶微辣黑椒汁好好食！另外份濟州黑毛豬五花係用咗36小時慢煮，食落入口即化，再包埋蘿蔔同紫蘇葉嚟食，完全唔會覺得肥膩。
JinSu - Sung Chen
店主用釜山嘅農田珍珠米，再以特製壓力煲煮成，飯粒口感煙韌。
鰻魚湯就用咗48小時熬製，配埋飯做湯飯食好香。另外仲會有五種時令特色釜山伴菜自由配嚟食。
最後仲可以揀返一款coffee/tea搭配一道韓國傳統甜食餅，望住個靚景一路傾偈真係超舒服！
張貼
