滿江紅 (已結業)

滿江紅依間餐廳喺香港算係比較早期嘅川菜名店，幫襯左都有接近十年，在尖沙咀附近逛街，突然想食酸菜魚，所以決定入去試下～！未叫餸先有兩個前菜，其中一個係涼拌木耳，酸酸地幾開胃！茶就揀左菊花茶，呢個算幾有驚喜，竟然比酒樓還好飲！主菜叫左我想食既酸菜魚，魚就係桂花魚，其實本人近年食酸菜魚都去過頗多餐廳嘗試，但都起國內深圳為主，香港就比較少，而依度菜食落味道唔錯，比得上國內網紅店，桂花魚冇骨，夠大塊，湯好飲，入面仲有好多雞髀菇，分量足夠兩人享用！另外我哋還叫咗泡椒田雞，田雞份量都幾多，大多數都係髀位。湯就叫左茶樹菇龍骨湯，原盅上，份量都幾多，足夠兩個人飲，裏面材料都幾豐富，豬肉食落夠香，茶樹菇有菇味，又有咬口，湯因為原盅燉嘅關係所以好入味，同埋飲得出一定冇落味精！還有叫左炒土豆絲和酒釀桂花小湯圓同密瓜汁，蜜瓜汁飲得出係新鮮榨出嚟，味道及得上茶飲店！