神話屋 (已結業)

之前見到人哋一直打卡有一間好靚嘅藍白小屋，原來就係流浮山嗰度。成個餐廳就好似一個藝術展品咁，店員話俾我哋聽原來成個餐廳用咗幾個月時間去畫嘅，真係好立體好靚，聖誕去打卡都一流好有節日氣氛。佢有分室內同埋室外，室內就會比較grand啲，戶外就有文青嘅氣息，旁邊仲有一個流動餐車，係用嚟沖嘢飲既。因為節日嘅關係，旁邊仲有一個透明嘅巨型泡泡，裏面放咗聖誕樹方便人哋打卡。今次就去咗食佢嘅下午茶,神話屋海龍王潛艇,一嚟到就覺得好大份。佢係一個法包入面夾住咗龍蝦肉，北海道帶子同埋醬油漬三文魚子，淡淡都係材料好豐富。而且佢啲海鮮都真係好新鮮好彈牙，口感一流。