蟹慶 (已結業)

其實已經唔係第一次食，女朋友話突然好想去日本食蟹道樂，既然未去到日本，就係香港食住先啦，又加埋老婆3月生日，就好好食返餐好既同埋順便慰勞自己努力工作既成果，當去左日本。位於銅鑼灣SOGO附近，一出地鐵站就到，唔揸車既人都好方便可以去到，落咗條樓梯，再推開道門，餐廳已經充滿海鮮嘅鮮味。我哋今日個餐幾乎有10道菜。首先第一道係蟹沙律，特別位係佢唔係蟹柳，係用返本身食既蟹小部分整成，清新嘅感覺。跟住就係食特色刺身，分別係拖羅，深海魚，赤貝，同埋赤蝦。刺身係上盛款，拖羅恰到好處，赤貝亦都非常之先甜，不過純粹當一個開胃菜咁食。上戲肉lu，今次揀咗鱈場蟹，所以就蒸左個鱈場蟹鉗俾我哋，鱈場蟹啖啖肉，肉質鮮嫩，亦都非常之飽滿，食完啲蟹肉已經飽咗一半，跟住就嚟咗個蟹肉海膽魚子蒸蛋，嘩，口感非常豐富蛋又滑，十分足料。跟住就係shabu shabu，都係蟹肉，同埋一啲雜菜，因為已經真係食得太多蟹肉，真係要食返啲蔬菜類，個湯底先係重點，吸收晒蟹肉嘅精華，真係連湯都飲埋，跟住嚟咗條喜之次，佢其實係一條魚，師傅話呢個烹調唔係用油炸，竟然係燒出嚟，肉質非常之滑，當你以為你餐飯就咁完，佢最後亦都會俾埋個飯你，但因為上