武士御好味燒 (已搬遷) 新店位置

上月同朋友一齊慶祝生日！一行四人，由朋友介紹到嘉蘭圍一條後巷食串燒，心想熱啦啦，無冷氣仲要食串燒，無事嘛！從巷入口，已見一紅紅"武士"字樣的旗幟在飄揚，到店外，又另一番感覺。食客不算太多，一台情侶、一台應該係日本人。開放式廚房內，有個後生廚師整燒餅、串燒等，另一邊有個女仔就招待我地，我見地方都OK，個個食得津津入味，坐底後，點了一客"武士十二串"、牛舌, 雖然係串燒，但好有肉汁。小食方面，我再點了大八爪魚燒、炸忌廉餅、燒青魚！當然唔少得武士御好味燒啦。全部即叫即整.，新鮮夠味！不過，可能要等一陣才有得食.....見隔離台飲啤酒咁過引、咪又飲番杯高興下！雖身置一條後巷衛生程度還算可接受。涼涼地幾通風！不是太熱。我相信，天氣再涼一點來會更過癮！食下、飲下，又半晚，D串燒好食到停唔到......睇住廚師一個不停整食物、女侍應又忙過螞蟻，想同佢地傾下計都無機會.....近日再去，食特味道依舊，但唔見個女侍應，換來一個大個子係廚房煮食物.......後生廚師，原來係老細！細問下老細偉哥原來同我差唔多年紀，很有膽色，係後巷度開間日式小食店！感覺真的好似身在日本街頭居酒屋。武士出品既串燒夠熱、小食夠