翠華餐廳 (已結業)

翠華基本上香港都冇乜人唔識佢㗎啦，不過我見一般人去翠華，好多時都係叫一般茶餐廳嘅食物，例如炒飯或者炒麵。但係我每次去親翠華，都係叫佢個麻辣蝦球米線。喺好多香港嘅餐廳食麻辣米線，一般都係調教左香港人嘅辣度，基本上叫中辣都唔辣，但係翠華嘅麻辣米線係絕對夠辣，湯底本身已經有味，另外再加麻辣，所以辣得來有層次，並唔會覺得係死辣。另外再加上佢蝦球清爽彈牙，我食咁多次都唔厭，茶餐廳來講佢嘅用料算好靚。唯一要彈一彈嘅就係價錢絕對唔平，而且份量好細，但係我寧願佢唔好減價同維持呢個份量，都要keep到個質素。朋友叫咗咖喱牛腩飯，份量好粥，咖喱香濃、牛腩軟腍，茶餐廳質素來講算係好好。