打鑊甘火鍋串燒 (已結業)

今晚去到北角街市熟食樓層打邊爐。都一段時間無嚟，疫情之後地方更加乾淨。仲乾淨過一啲茶餐廳。係近地鐵嗰邊上，行到最後就係打鑊甘。呢度啲枱好大張，大家都知火鍋好多一碟碟，呢度完全放得哂。湯底點咗雲腿冬瓜，等冬瓜熟咗店員會幫手剪開。推介配料有豬潤，店員話係特別配方醃制，淥耐咗都仲爽。鍾意食豬潤嘅朋友一定要試。另一樣係牛筋丸，咬開之後非常驚喜，因為好juicy.餃類方面都係自家制，韮菜餃同白菜豬肉餃都不錯。蔬菜類都係 $28 起，非常抵食。隔離枱飲啤酒好有氣氛，如果感受地道風味嘅朋記得嚟食吓。