瑞記咖啡

營業中

休息中

今次黎到位於上環街市2樓熟食中心既瑞記咖啡，大約1:30pm黎到就要排隊，等左10-15分鐘就有位。見到個餐牌選擇唔多，order左個招牌樽仔奶茶，加個蛋牛包。本身想叫多個鮮牛麵，但係鮮牛已經賣完。招牌樽仔奶茶$17 (7/10)茶味唔夠濃，口味偏甜少少（唔可以叫少甜），飲落唔係太特別。相信佢賣既喺樽仔裝既特色，但係個人都係比較鐘意茶味濃啲既港式奶茶。蛋牛包🥖$18 （8/10)落單之後等左20分鐘先有。個包入面有煎香，但係咸牛唔夠多，唔係好食到咸牛既味道。蔥唔算多，如果鐘意食蔥味，可以叫多蔥。但係整體黎講係可以encore。環境都比較乾淨、闊落，但係上菜速度較慢。2pm 就越來越多人黎排隊食下午茶。