Hero's Friday (已結業)

食咗咖啡味豬柳蛋班寶同埋芝士漢堡加蛋，小食要咗薯角同埋麻辣雞粒。全部嘢食都熱辣辣，新鮮製作，咖啡味豬柳蛋班寶個炒蛋好厚好熱好好食，豬柳同蛋嘅味道同個咖啡味pancake好夾，非常推介，仲要冇乜汁，健康但又極好味之選。芝士漢堡我嫌佢多汁得滯，唔知係啲芝士溶咗定係牛肉流出來嘅汁，除咗呢樣其他配料都好完美，個漢堡扒好有肉味，個生菜好新鮮。之後仲要讚下啲小食，個薯角好足料，好大碌，入口辣嘴，個麻辣雞粒麻辣味調得幾好，唔怕喊得滯，一樣又係熱辣辣，好香口！總括嚟講全部嘢食都好完美，一定會再幫襯。肚餓得滯，冇影到相。