批&撻專門店 (已結業)

葵涌廣場三樓堪稱美食廣場, 以小食店為主, 食物林林總總; 牛雜、重慶辣粉、鮮榨果汁、咖哩魚蛋、班戟、糕點、車仔麵美食、雪糕店、凍撈麵…….等等, 各色其式, 任君選擇, 最緊要系便宜又好食。今日行經廣場二樓, 乜 pie & tart 開左 cafe？ 以為系冒牌貨, 問清楚原來系堅嘢, 直入去嘆個邪恶的下午茶。流心芝士鮮奶撻 ($8.50) 加配忌廉凍咖啡 ($10)忌廉還是配熱飲較好, 忌廉好難係凍咖啡內溶掉, 攪極都系一粒粒, 咖啡味唔算出眾, 但係混合忌廉飲幾滑口, 跟鮮奶撻味道很匹配, 咁先夠邪恶麻 佢地既鮮奶撻幾時都咁經典, 咁香滑,  pie & tart 之前都試過雞批及其他撻, 還是比較愛芝士鮮奶撻, 上面那層細粉狀的芝士, 鹹鹹地, 好香濃的芝士味, 鮮奶蛋漿則香滑, 唔太甜, 食完都唔會覺得太甜膩, 撻皮算鬆化。UNDER $20 有杯凍飲兼質素不錯的鮮奶撻吃, 很不錯。