豚道樂 (大河道) (已結業)

荃灣唔係我好熟悉嘅搵食地方，行經大河道時剛剛係晚飯嘅時間，見到有一間拉麵店唔使排隊於是就入咗去。拉麵來講我自己好着重湯底，而且我特別喜歡豬骨湯底，雖然我對黑蒜湯底都好有興趣，但第一次就試咗原味先，所以我就揀咗佢哋嘅豚骨拉麵。$72嘅拉麵加$13就可以有多一塊豬肩肉、一塊豬腩肉、兩塊紫菜同半隻糖心蛋，仲可以選擇要唔要蔥、辣醬，要直麵定要攣麵等等... 豬肉燒得夠香，豚骨湯亦夠濃郁，但建議湯底嘅厚薄濃淡都可以選擇就會更好。白桃梳打$26都好好味。而且佢嘅衛生監控都做得好好。