沙嗲王 (已結業)

放工同朋友搵嘢食，諗起好耐冇食沙嗲王，所以就決定嚟旺角呢間試下。呢間沙嗲王個場超級大，而且裝修好新淨，坐得好舒服。我哋嗌咗碗清湯香茅豬扒米線，賣相都唔錯，一共有三塊香茅豬扒。香茅豬扒一如以往咁好食，又林又香口。另外叫咗白咖喱厚切吉列豬扒米線，白咖喱湯底好香，一啲都唔辣。豬排一共切成四件，啲肉厚得黎唔會好鞋，雖然係吉列豬扒，但係感覺唔會好熱氣，好好食。脆蝦棒外脆內熱，點埋他他醬一齊食，真係好正。熱紫薯鮮奶唔係好大杯，不過都幾香，飲落唔會過甜。抹茶鮮奶珍珠個樣睇落幾好飲，但係飲落冇乜抹茶味又冇乜鮮奶味，啲珍珠黐埋晒咁，完全啜唔到上嚟。沙嗲王嘅嘢食真係好出色，不過飲品就真係有待改善啦。