譚仔三哥米線 (健威坊)

營業中

休息中

前幾日見譚仔三哥出咗炆米，今日特登去試，點咗一個香辣回鍋肉蝦仁炆米，揀大辣，怕太辣加咗杯凍檸檬走甜。呢間譚仔三哥好多人，落完單堂食都要等15分鐘，個炆米上枱後，未食已見到好多辣醬，試一啖已覺得舌頭麻痺，香辣得嚟惹味，但比起平時三哥酸辣米線既大辣係要再辣啲，應該似特辣level，好彩叫埋杯凍檸茶解辣。米線份量太多，腩肉片得好薄既4片，蝦仁好似有4隻，仲有啲辣椒同大量椰菜，碗米線太多，食到一半已想放棄，但唔想浪費食物，抖咗陣繼續食埋佢，下次應該叫中辣同少米線，太辣食唔到咩味，只覺條脷好熱好痺痛。