香馥樓

營業中

休息中

今晚和朋友食飯，酒家係新開，光猛寬落。枱上擺放青瓜雲耳作開胃小食，茶有熱座烘着保持温度，又提供毛巾抹手。🌱酥脆炸秋葵外表炸得香口，脆漿夠薄，秋葵有少少黏口，炸蒜粒很脆，味道很濃。🌱片皮鴨二食一食:片皮鴨很脆帶油分，用蛋皮取代薄餅包片皮鴨夠特別，蛋皮薄身香甜，唔好漏咗加爽脆青瓜絲、京蔥和甜醬🌱鴨崧生菜包二食:生菜新鮮爽脆，包啲由鴨肉、蘿蔔粒、西芹粒、腰果碎炒香的鴨崧，美味可口。🌱咕嚕鳳梨黑毛豬肉外脆帶甜，裏面的肉軟腍，鳳梨甜滑冇渣。🌱欖仁鮮蟹肉粉絲煲蟹肉頗滑，粉絲爽口，落少少花椒油，味道提升，帶麻香和微辣感。最後飲番杯蝶豆花水幫忙解膩。