紅日堂

營業中

休息中

聽朋友講話有間電影主題餐廳，作為一個電影迷，點可以唔去試下！睇地圖個陣以為會唔識去但係原來經顯眼，一揾就揾到！係出面睇入去可能真係估唔到入面原來係咁grand  由於太肚餓既關係，我地最後叫左小食拼盤，墨西哥薄餅同埋三文魚意粉。我同我男朋友都覺得墨西哥薄餅做得最好食！ 我地之前係香港嘅一間西餐廳食過，要成二百幾蚊一份！！！！紅日堂收八十幾蚊，同個間差唔多甚至乎好食過！！ 個小食拼盤都好抵食，又有炸蝦，春卷，魚餅，等等  份三文魚意粉都好好味同埋好多三文魚，但係我男朋友就覺得可以多少少汁，我自己就覺得好夠。之後我地叫左兩杯咖啡，一份香蕉waffle同埋一份雪糕waffle。兩杯咖啡真係好好飲！！！！ 咖啡味又香又重！！一啖咖啡一啖waffle超正！ 我地食左咁多嘢都係under四百！真心，如果係香港d西餐廳食咁多嘢又有咁grand嘅環境最少都八百。 下次一定會再試下其他嘢食！