影片
更多
2016-12-04
369 瀏覽
今日想同家人試新嘢, 剛好行過見到呢間新餐廳, 環境同餐牌菜式好似唔錯, 就入去試下啦, 點知, 咁就中伏! 一坐低打開餐牌, 選擇都算多, 今次我哋叫左幾款點心: 柚子蝦餃:柚子造型賣相係幾可愛, 蝦餡調味都正常, 但柚子皮味道太重, 兩者唔係好夾, 都係傳統蝦餃好食啲, 整體麻麻地奶黃蜜語:呢個其實係奶黃包, 上面印住"叻叻豬"圖案, 拎上手熱辣辣, 內餡好流沙, 但食落味道偏淡且欠缺奶香同蛋黃咸香味, 包皮亦太黏口。係一個唔合格嘅奶黃包紅油抄手: 未食過咁難食嘅抄手, 每粒不單迷你, 皮仲極厚, 根本食唔到有餡咁滯! 離晒譜!味道辣得黎唔香, 食完個嘴仲甘甘哋, 家人硬食3粒後搖晒頭....差!! 玉桂香鴿:熱烘烘上檯, 味道正正常常, $38隻都抵食嘅, 係成餐中最正常嘅菜式千島長春卷:上檯時變左短春卷!? 不過好味嘅話, 長短都冇所謂啦！可惜, 唉…食落咸咸哋, 都唔係千島醬嘅甜酸味, 味道好怪, 餡料又少又油, 實在食到好無癮, 整體味道唔得食完其實唔夠飽, 但再冇加單意欲, 就連隔離兩張檯嘅食客都話難食。我哋二話不說, 直接埋單走人。其實我哋要求好簡單, 普通點心水準我哋
今日想同家人試新嘢, 剛好行過見到呢間新餐廳, 環境同餐牌菜式好似唔錯, 就入去試下啦, 點知, 咁就中伏!
一坐低打開餐牌, 選擇都算多, 今次我哋叫左幾款點心:
柚子蝦餃:
柚子造型賣相係幾可愛, 蝦餡調味都正常, 但柚子皮味道太重, 兩者唔係好夾, 都係傳統蝦餃好食啲, 整體麻麻地
柚子蝦餃
9 瀏覽
0 讚好
0 留言
呢個其實係奶黃包, 上面印住"叻叻豬"圖案,
拎上手熱辣辣, 內餡好流沙, 但食落味道偏淡且欠缺奶香同蛋黃咸香味, 包皮亦太黏口。係一個唔合格嘅奶黃包
紅油抄手:
未食過咁難食嘅抄手, 每粒不單迷你, 皮仲極厚, 根本食唔到有餡咁滯! 離晒譜!味道辣得黎唔香, 食完個嘴仲甘甘哋, 家人硬食3粒後搖晒頭....差!!
玉桂香鴿:
熱烘烘上檯, 味道正正常常, $38隻都抵食嘅, 係成餐中最正常嘅菜式
千島長春卷:
上檯時變左短春卷!? 不過好味嘅話, 長短都冇所謂啦！可惜, 唉…食落咸咸哋, 都唔係千島醬嘅甜酸味, 味道好怪, 餡料又少又油, 實在食到好無癮, 整體味道唔得
食完其實唔夠飽, 但再冇加單意欲, 就連隔離兩張檯嘅食客都話難食。我哋二話不說, 直接埋單走人。其實我哋要求好簡單, 普通點心水準我哋已收貨, 但今次嘅點心水準真係唔掂。埋單差不多成300蚊, 感覺唔值。
一句講晒冇下次！
張貼
