澳門丸記清湯腩王 (已搬遷) 新店位置

#港式eatcovery #沙田eatcovery💡駐守係石門嘅澳門藍帶💛小編以前係石門讀書既時候，記憶中除左得學校，就係工廠，稱得上係沙漠之門。但今時今日原來有好多美食，而且一出石門站就有好多，非常方便。今日就試左間獲得「清湯腩王至尊大獎」，國際藍帶卓越之星等獎項既餐廳。🍽 海南雞飯配雞湯海南雞好滑，雞皮同雞肉之間有層透明啫喱，食落一啲都唔油膩，仲有清爽嘅口感，但係雞味比較淡。而泰式雞油飯有淡淡嘅香味，份量好多，男仔食一定夠曬飽肚！雞湯就略為咸左啲。另外，沾海南雞嘅醬汁同平時唔同，其中一碟醬係由橄欖菜、蒜等材料製成，食落幾特別，仲帶到雞嘅鮮味😋🍽 咖哩牛腩飯咖哩味尚算香濃，唔會太辣，而咖哩汁偏稀。牛腩嘅份量好多，完全唔會乾爭爭！🍽 腐乳通菜通菜好新鮮，爽脆唔韌！而且腐乳係加入糖等調味料調製，食落同其他食肆嘅腐乳有啲唔同，好有新鮮感✨ps/餐廳位置非常方便，石門站C出口就見到。