影片
更多
2022-04-23
2232 瀏覽
駱駝漆一向都係我嘅覓食之地，相信唔少觀塘嘅打工仔都係架啦。上次去咗一間高質慢煮牛漢堡後，搵搵吓又發現到呢間同樣係主打burger嘅小店，而且又冇乜人排隊添，當然要去懲罰一吓。 保家山其實係解作burger-saan1，喺餐廳入面嘅枱真係見到有個將平安包改造漢堡包嘅搶包模型，真係好應景XD🤣，未食野都已經吸引咗我嘅注意🤣🤣。 餐廳就位於三期嘅5樓，呢層就冇咁多食店嘅，冇乜人行過。環境寬闊幽靜，少見喺呢D工廈都坐得好鬆動。埋邊嘅木板貼上食客嘅即影即有相，又有種溫馨感，但最吸引我嘅都係有個私家廁所🤩🤩🤩😏。 一睇餐牌，發現佢哋真係好鐘意玩拼音，burger嘅口味有“fu²-釜(山)”嘅韓式豬肉堡，"Kwai⁴-(山)葵”嘅wasabi堡，仲有一個芫荽控必試嘅青色burger。漢堡本身已經包埋個薯格/沙律同埋汽水，唔夠喉可以另加小食/西湯。 “Saan¹-山”手工和牛漢堡$98 漢堡嘅size真心比想像中細，但價錢又連埋薯格同可樂，其實都算合理。提埋餐具/食物都係self service 嘅，如果有埋手套就更好。 呢隻麵包有金黃嘅外層，內裏純白。佢內層冇乜點烘過，反而只是熱溶咗D牛油喺入面，我
保家山其實係解作burger-saan1，喺餐廳入面嘅枱真係見到有個將平安包改造漢堡包嘅搶包模型，真係好應景XD🤣，未食野都已經吸引咗我嘅注意🤣🤣。
餐廳就位於三期嘅5樓，呢層就冇咁多食店嘅，冇乜人行過。環境寬闊幽靜，少見喺呢D工廈都坐得好鬆動。埋邊嘅木板貼上食客嘅即影即有相，又有種溫馨感，但最吸引我嘅都係有個私家廁所🤩🤩🤩😏。
一睇餐牌，發現佢哋真係好鐘意玩拼音，burger嘅口味有“fu²-釜(山)”嘅韓式豬肉堡，"Kwai⁴-(山)葵”嘅wasabi堡，仲有一個芫荽控必試嘅青色burger。漢堡本身已經包埋個薯格/沙律同埋汽水，唔夠喉可以另加小食/西湯。
“Saan¹-山”手工和牛漢堡$98
“Saan¹-山”手工和牛漢堡
$98
40 瀏覽
0 讚好
0 留言
漢堡嘅size真心比想像中細，但價錢又連埋薯格同可樂，其實都算合理。提埋餐具/食物都係self service 嘅，如果有埋手套就更好。
呢隻麵包有金黃嘅外層，內裏純白。佢內層冇乜點烘過，反而只是熱溶咗D牛油喺入面，我又幾鐘意呢個setting。口感輕盈軟熟，牛油香分佈於包中而帶有甜味，我覺得呢個就幾好。
“Saan¹-山”手工和牛漢堡
$98
93 瀏覽
0 讚好
0 留言
漢堡肉就聲稱係和牛，通常漢堡扒70%都係瘦肉，呢度就似係60%瘦肉。首先，漢堡扒內裏係半生熟嘅(通常餐廳整得5/7成熟嘅，我都安心去食嘅)。
睇相都見到佢D汁水滴漏而出，內裏口感濕潤軟嫩，牛肉磨得幼細而係好「smooth」嘅，脂香感十足，調味唔多，而主要都係食返肉味，我就覺得好驚喜。
醬汁望落乍看好似芝士咁但其實一定唔係，落得就算好多吓。顏色唔係一般紅紅地嗰隻(冇茄汁)，食落就偏酸嘅，主要酸味都係來至酸瓜粒，下面再講。
蕃茄我一向都唔鍾意佢出現喺burger度，而佢呢度整得厚之餘又唔出水，可能係加咗鹽。仲有D紫洋蔥同生菜，我就覺得唔錯。
牛油薯格
31 瀏覽
0 讚好
0 留言
薯格就揀咗牛油味，但聞落同食落都係欠缺嘅。欣賞薯格切得好厚，外脆內綿，充滿黑椒/鹽嘅調味，呢個就一般啦。
“juan⁴ seoi¹-芫荽"手工和牛漢堡$108(麻辣薯條+$3)
“juan⁴ seoi¹-芫荽"手工和牛漢堡
$108
61 瀏覽
0 讚好
0 留言
我第二次去嘅時候就叫咗我嘅favorite嘅芫荽，但就冇網上嗰D咁多。Burger內每樣野嘅份量/品質都大致上冇乜差別，個包就更似係potato bun多於brioche。
“juan⁴ seoi¹-芫荽"手工和牛漢堡
$108
18 瀏覽
0 讚好
0 留言
牛肉就變咗全熟，但都係juicy嘅，建議可以多少少調味。配料就只得芫荽同車打芝士，我覺得少配料反而可以主要食到佢嘅肉/芫荽嘅刺激感。
“juan⁴ seoi¹-芫荽"手工和牛漢堡
$108
18 瀏覽
0 讚好
0 留言
Burger醬汁以我所知令人愛戴嘅原因係因為有“酸”“香”同“滑(夠多油)”，酸味呢度就有酸瓜.etc，香就有「山」漢堡冇嘅乾羅勒同油潤嘅芫荽，加上佢又creamy又唔膩，我就好鐘意佢嘅汁。
麻辣薯條
30 瀏覽
0 讚好
0 留言
我今次就upgarde咗做薯條，強烈建議大家都去upgarde+叫麻辣味。佢切得厚薄適中，口感比當日嘅薯格脆得多，內裏軟熟。乾辣椒粒均勻佈滿喺薯條度，加上有埋辣椒籽，麻嘅持久度係不容忽略，我嘅嘴唇係會好似食完四川麻辣粉咁不自然地震動，加上孜然粉同黑椒，雖辣但令我一口接一口咁食，好鬼爽皮🤣。
張貼
