影片
更多
2009-11-20
50 瀏覽
因為約左人七點幾係北角, 放工同老婆就近去花園食個扒先, 花園去過好多間, 平民化價錢, 扒算大碟, 本來無咩好講, 奇在呢間花園侍應夠晒經典.未夠6:30pm上到去, 當時得五,六檯客, 但就有六,七個侍應, 搵左個卡位坐低, 趕時間就點了兩客牛柳, 好快兩個餐湯就送來, 無餐飽既? 唔通而家無飽跟餐? 個湯差唔多飲完喇, 都未見個飽, 望下隔離又有喎, 就問下侍應個餐有無飽跟架, 佢答”有既”, 然後先去”叮”返個飽比我地, 咁都會漏, 奇隔左一陣, 牛柳黎左, 有個小姐拿兩個汁來問”黑椒定蒜茸汁”? 其實落單時我們已叫左兩個洋荵汁, 就同個小姐講我地係要洋荵汁, 佢答”等等”……. 第二件奇事出現: 先有一個男侍應拎個碗仔(真係”碗仔”)同我地淋左少少汁落去, 因為分左兩份, 隔左一分鍾, 另一個男侍應又黎幫我地淋第二次汁, 夾埋兩次, 變左好似鐵板湯扒咁, 又過多一分鍾, 第三個男侍應又拎左個用”湯碗”裝住既汁埋黎, 好彩只係擺低就走左, 個”湯”扒一貫花園水準啦, OK好味, 抵食夾大件果隻…..呢個時侯隔離多左堆人既? 原來一大堆侍應圍埋一齊傾緊偈, 咁都得? 講到興起仲
未夠6:30pm上到去, 當時得五,六檯客, 但就有六,七個侍應, 搵左個卡位坐低, 趕時間就點了兩客牛柳, 好快兩個餐湯就送來, 無餐飽既? 唔通而家無飽跟餐? 個湯差唔多飲完喇, 都未見個飽, 望下隔離又有喎, 就問下侍應個餐有無飽跟架, 佢答”有既”, 然後先去”叮”返個飽比我地, 咁都會漏, 奇
隔左一陣, 牛柳黎左, 有個小姐拿兩個汁來問”黑椒定蒜茸汁”? 其實落單時我們已叫左兩個洋荵汁, 就同個小姐講我地係要洋荵汁, 佢答”等等”……. 第二件奇事出現: 先有一個男侍應拎個碗仔(真係”碗仔”)同我地淋左少少汁落去, 因為分左兩份, 隔左一分鍾, 另一個男侍應又黎幫我地淋第二次汁, 夾埋兩次, 變左好似鐵板湯扒咁, 又過多一分鍾, 第三個男侍應又拎左個用”湯碗”裝住既汁埋黎, 好彩只係擺低就走左, 個”湯”扒一貫花園水準啦, OK好味, 抵食夾大件果隻…..
呢個時侯隔離多左堆人既? 原來一大堆侍應圍埋一齊傾緊偈, 咁都得? 講到興起仲一個男既從後熊抱另一個男, 搞基? 總之食咁耐就講咁耐….
好啦, 差唔多食完, 係叫餐茶既時候, 本想叫隔離呢班侍應, 但好似打擾人地吹水喎, 剛巧有另一個行埋黎, 就叫佢啦, 點知佢望左我一眼, 拎轉頭加入埋吹水, 我大聲咁同佢講,我要落單呀, 佢先如夢初醒咁埋黎, 其他果班侍應就係度笑佢…好好笑咩?
終於飲埋杯餐茶叫埋單, 個侍應拎住張單未埋到黎就大叫”多謝178蚊”, 夠晒騎呢,
呢間係我去過既花園中都算最差服務, 侍應們既工作態度連麥當當都不如, 撇開呢班人, 本身食物就無問題, 算係抵食
張貼