西門町台灣麵食 (已結業)

今日上完training約左朋友係旺角食飯，去左勁多餐廳既通菜街，我同佢都幾中意食台灣菜，見呢間選擇多而且價錢合理決定試下😊我地叫左個二人餐，揀少好多野唔駛煩😂 成檯都係野食😍⭐北投怪味雞想睇下點樣怪味法😂但其實一啲都唔怪，個醬汁有啲似口水雞但係再酸啲既版本，好開胃惹味😋 (如果啲雞再滑啲就仲正😁)❤️鹽酥雞份量好多😮炸粉夠薄，非常香脆唔油膩，裡面雞肉超級嫰滑juicy！🤤❤️台式燙青菜菜加左適量油份去煮，顏色翠綠，爽口～面頭加左啲肉燥無咁單調😊❤️肉燥飯(細)肉燥偏瘦但好入味好好食！😋 味道偏甜多過鹹，食落完全唔覺得膩白飯粒粒分明，口感煙韌😋❤️擔擔麵(細)辣度預設左係小辣，湯底好香花生味，麵條彈牙，簡單但出色！🤤⭐熱珍珠奶茶足料，珍珠煙韌，不過唔記得叫少甜所以偏甜左啲啲～❤️熱檸檬柚子同樣足料，檸檬既酸味平衡左柚子蜜既甜味，perfect！👏❤️甜品 (擂沙湯丸)芝麻流心餡好香😋 唔會太甜，湯圓皮煙韌兼好香黃豆粉味👍整個二人餐食物水準都屬於中上程度，好滿足🤗🤗