影片
更多
2024-11-13
119 瀏覽
雙十一唔係去血拼而係同喺內地嚟香港公幹嘅表姐去食好西！我都係第一次食好燒式 因為佢係正旺角睿景酒店前面～🚌 附近仲有中港旅遊巴士站，方便到表姐！所以係佢提議同book枱嘅 🤣🕑 重點：開到凌晨兩點，對於想食宵夜嚟講係好方便嘅選擇👍👍好多海鮮係時價～要問返店員當晚用餐時扇貝詢問度好高～所以我哋即刻留起咗！記住留貨～如果唔係會後悔因為食到一半已經聽到店員話得返最後兩隻（同埋都好彩我哋早入座，好快已經座無虛席！）呢間串燒舖好有誠意～一落完單店員就即刻上左兩碗welcome soup!!!!!大癲！ 🎃 高質南瓜湯 🎃濃濃嘅香氣撲味～仲有啲打到好爛嘅南瓜皮只有用新鮮南瓜blend出黎煲成先會咁滿滿奶油口感！同罐頭湯冇得比～🌊蒜蓉燒聖子王 $160/2 蟶子 大大隻～份量好足！又燒得好好～一啲唔韌仲有小心思加左金菇墊底吸晒啲鮮甜嘅精華～無得頂🌊蒜蓉燒扇貝$100/2 帶子好彈牙同鮮甜 燒得啱啱好 配上大量蒜蓉同優質魚子 一見到已經胃口大增😍🍳 厚燒玉子 $22玉子準備到四四方方好似粒骰咁～外層燒到金金黃黃～脆脆地～鹹鹹甜甜咁～蛋香味濃🐽 陰公豬 $30見佢個名咁陰公同得意即刻忍唔住叫左客用冬陰功
而係同喺內地嚟香港公幹嘅表姐去食好西！
我都係第一次食好燒式
因為佢係正旺角睿景酒店前面～
🚌 附近仲有中港旅遊巴士站，方便到表姐！
所以係佢提議同book枱嘅 🤣
🕑 重點：開到凌晨兩點，對於想食宵夜嚟講係好方便嘅選擇👍👍
好多海鮮係時價～要問返店員
當晚用餐時扇貝詢問度好高～所以我哋即刻留起咗！
記住留貨～如果唔係會後悔
因為食到一半已經聽到店員話得返最後兩隻
（同埋都好彩我哋早入座，好快已經座無虛席！）
呢間串燒舖好有誠意～
一落完單店員就即刻上左兩碗welcome soup!!!!!
大癲！
🎃 高質南瓜湯 🎃
濃濃嘅香氣撲味～仲有啲打到好爛嘅南瓜皮
只有用新鮮南瓜blend出黎煲成先會咁滿滿奶油口感！
同罐頭湯冇得比～
🌊蒜蓉燒聖子王 $160/2
蟶子 大大隻～份量好足！
又燒得好好～一啲唔韌
仲有小心思加左金菇墊底吸晒啲鮮甜嘅精華～無得頂
🌊蒜蓉燒扇貝$100/2
帶子好彈牙同鮮甜 燒得啱啱好
配上大量蒜蓉同優質魚子 一見到已經胃口大增😍
🍳 厚燒玉子 $22
玉子準備到四四方方好似粒骰咁～
外層燒到金金黃黃～脆脆地～鹹鹹甜甜咁～蛋香味濃
🐽 陰公豬 $30
見佢個名咁陰公同得意即刻忍唔住叫左客
用冬陰功醃料準備嘅五花腩好香口同入味
食到啖啖都好似置身泰國咁！
少少辣～好開胃
仲要啲豬唔會太肥 食落啱啱好
🍆蒜蓉燒茄子（原條） $40
有時叫燒茄子就好似開盲盒咁～因為有啲會燒到好油
呢度就完全冇呢個問題～
用筷子輕輕一夾已經脫到皮可以成注咁放入口食
蔥蒜香味完全滲入茄子，大推！
🐔 燒雞髀 $38
大大份~ 外皮酥脆~ 雞髀肉質嫩滑濃郁
加配秘製醬汁令人食指大動
啖啖肉，滿足感upupup
🐽 泰式燒豚肉（1份） $42
大大份呀呢個！
醃得好入味 酸酸辣辣好惹味
🌊 鹽燒白繕 $49
白繕個魚皮燒到香脆十足
厚厚既魚肉充滿油香～爽脆又彈牙
簡簡單單用海鹽調味已經一流
🐮鹽燒牛舌串 $30
食材新鮮，只要加少少調味料（鹽& 黑椒）已經提鮮同昇華左好多～
外脆內軟仲鎖住咗好多肉汁
🐔 雞中翼（2隻）$22
燒鷄翼我最鍾意食！！燒到皮脆肉嫩！！秒速消失不見🙈
🍠燒日本甜心番薯 $18
蕃薯甜糯❤️ 鍾意
🫘 串燒豆腐 $22
面層燒到脆卜卜～咬落去會卡擦卡擦！
內裏依然好嫩滑 好欣賞😍
首尾相應既驚歎！
串燒舖竟然自己整埋甜品！！大大大癲！
🍮法式焦糖燉蛋
香濃焦糖面脆卜卜
蛋吉士同雲呢拿結合得天衣無縫
重點：甜度喏喏好
脆口同軟滑達至黄金比例！
總結：
好開心表姐安排左呢間餐廳見面～
串燒出色 唔會好似其他咁舖頭咁係咁用味粉令到串串都一樣味
仲有連西湯同甜品既出品都咁高水準！
而且舖頭既抽風做得好好～完全冇油煙味～
實在好難得
難怪早前已經迎來左餐廳既6週年啦
另外店員好nice同細心
落單既時候問我地要咩辣度
見到我地猶豫即刻主動話可以分開啲辣粉俾我地試下
仲有野食岀得幾快～趕直通車前醫肚冇有怕！
張貼
