桐 (已結業)

幾時都話深水埗好多美食又平又正，同事發掘咗一間價廉物美性價比高嘅日本餐廳桐，今日就跟佢嚟搵食。門外見到佢嘅午市套餐真係好抵食。午市套餐，包括一份前菜沙律，沙律菜，配以粟米粒同新鮮蕃茄，再混入柚子醋，令人非常開胃。套餐基本包咗麵豉湯，或者可以選擇以優惠價加配飲品。海桐丼包括有赤蝦、三文魚、油甘魚、帶子同蟹肉。所有刺身用料新鮮，我尤其鍾意用佢配有嘅紫菜包住蟹肉同飯一齊食，真係好有日本風味。壽司定食8件分別有三文魚、油甘魚、甜蝦同帆立貝壽司，再配以兩件軍艦同兩件卷物。壽司定食同時配有烏冬，鰹魚湯底烏冬配上腐皮豆腐，簡單而美味。每份午市套餐都包括兩件餃子，朋友教點沙律菜嘅柚子醋，味道真係好夾好好食。