丼丼亭 (已結業)

黃埔近年開左好多新既食肆，剛好依間剛好在當眼位置，所以就入左去食喇。依度位與位之間唔會太近，好有私人空間，同朋友傾計都唔怕嘈到隔離。至於食物方面，有好多種類選擇，可以滿足大眾要求。《五式刺身盛》：刺身盛入面分別有三文魚、油甘魚、吞拿魚、帆立貝同三文魚籽，刺身，好新鮮同juicy，有種入口即溶既感覺。另三文魚籽同配紫菜一齊包住食，紫菜帶出左三文魚籽既鮮味，當咬落去既時候，三文魚籽一粒粒係口中爆開，口感非常得意。《天婦羅拼盤》：拼盤入面有海蝦、廣島蠔、蕃薯、南瓜、海鰻，各炸物都炸得好乾身，一d都唔油。海蝦好爽口，廣島蠔好juicy,蕃薯同南瓜好甜。另上拼盤既時候，會連埋海鹽一齊附上，海鰻點完海鹽之後，吊左海鰻既鮮味出黎，海鰻肉質亦好滑，正！《松葉蟹梅子火鍋》：松葉蟹腳排得好有心思同好有氣勢，入面仲有青口、豆腐、粉絲、帆立貝同魷魚，松葉蟹腳好多肉同juicy,青口同帆立貝好新鮮同肥美，豆腐好滑同埋粉絲好爽口，湯底亦好鮮甜，天氣轉凉，食完依個鍋真係暖笠笠。《苦瓜豚肉釜飯》：見到日本料理有苦瓜，已經覺得好特別。整個飯亦放滿左苦瓜，苦瓜食落唔算太苦，反而有種甘甜既感覺，再配埋豚肉黎食，正係好好味。