蝦麵店 (荃新天地) (已結業)

今日喺荃灣嘅荃新天地搵嘢食，經過呢一間馬來西亞食店，而都幾多人喺入面食得津津有味，所以就入去試下！😍😍入到去，得番一張吧枱向窗坐，不過都幾舒服，可以睇住窗外嘅風景一邊食，都幾寫意！🤫🤫🤫講返嘢食，首先嗌咗一大碗海鮮麵，有好多款海鮮配料，有大蝦，魷魚，青口，腐角，蟹柳等等，份量十足！而且有好濃味嘅咖哩喇沙湯底，啲河粉索晒啲汁，仲有加咗一件肉骨，非常入味！🤪🤪另外再叫咗碗白胡椒肉骨油條，充滿星洲風味，白胡椒湯底辣辣地好暖胃！😍😍😍仲叫咗碟馬來沙爹雞髀肉串，有4串，啲肉頗嫩口，肉香四溢，必食推介！🤩🤩至於碟通菜都好新鮮，加埋啲馬拉盞醬真係好好配搭！🥳🥳最後介紹埋2杯嘢飲，呢杯青檸梳打固然清新可口，而另一杯阿參冰茶幾特別，好似酸梅汁咁好好味！🤗🤗