巴剎雞飯 (已結業)

最近食咗好多西餐，果日去西營盤搵朋友食飯，附近成條街都係西餐，見到有間好似唔係，啲食物平時比較少食到，有啲特色就入咗去食。巴剎雞餐廳叫巴剎雞飯，我哋當然唔可以錯過招牌菜，叫左半隻巴剎雞食。雞肉無骨，擺碟有心機，咬落肉質鮮嫩又夠滑，點埋個汁食一流🐔炭燒沙爹依家已經好少有炭燒串燒食，難得餐廳連埋個爐上枱，咁有傳統風味，一定要食！我地叫左豬肉同雞肉各三串，串燒嘅火喉正，肉嘅調味香料味重，而且個沙爹汁好惹味，簡直係絕配😋淨山打根皮蛋餃第一次食皮蛋餃，感覺好特別，估唔到肉同皮蛋會咁夾，加上餃子皮好軟又夠滑，真心好驚喜😆姜蔥豬油渣撈麵方型嘅豬油渣炸得香脆，咬落去香口，而且唔會好油膩，撈麵麵質有彈性，加埋汁食都唔會好咸👍🏻南乳脆雞翼雞翼炸得外皮金黃香脆，入面仍然鎖住肉汁，亦有南乳清香😇菜脯蛋炒蘿蔔糕蘿蔔糕切成四方形， size啱啱好，咬落去口感好軟，但又唔會散，菜脯蛋炒得香滑，又係令人印象深刻🍳咖央椰絲手抓餅朋友嘅推介，佢話每次都會食，手抓餅口感似印度嘅薄餅咁鬆化，食落有咖央嘅淡淡清香，表面加左粒粒嘅芝麻花生同椰絲，令口感更豐富，難怪朋友咁鍾意食🤤油菜菜心好新鮮，份量比想像多😌飲品羅漢果龍眼冬瓜茶好