麥金.麥金馬來西亞特式茶啡室 (已結業)

今日中午同朋去去咗依間麥金食新加坡🇸🇬/馬來西亞🇲🇾菜式。.大門好有民族色彩，係一個紅色嘅門口，門口邊嘅牆掛有餐廳🍴嘅大餐牌，而門口有個大油漆招牌寫咗餐廳嘅名。成個門口都好色彩繽紛。舖入面有好多掛牆畫同字。有好多手寫嘅毛筆字，啲字係形容下餐廳啲菜式名稱而啲畫係繪畫🎨馬來西亞同新加坡🇸🇬文化。餐廳🍴嘅餐牌食物種類好多元化。點咗一個娘惹叻沙$58，係油麵。點咗一個一字骨$48。一個峇拉煎炸雞🍗配椰漿飯$55。一杯檸檬薏米水（熱）$18，原價係$25。美祿恐龍（凍）$18，原價係$25。首先店員會好熱心咁倒左兩碗熱騰騰嘅肉骨茶比我地喝先。而且叫我地趁熱飲。感覺好貼心😘。之後自己就整咗點一字骨嘅蒜蓉丶辣椒🌶️同豉油。.上菜速度係好快。首先講下兩杯野飲先。檸檬🍋薏米水有好濃郁嘅檸檬酸，少許酸酸地，但檸檬汁味好足。而薏米都浸得好淋，份量好多，有薏米本身嘅香同甜。野杯甜的嚟帶點檸檬酸，好開胃。而個美祿恐龍呢，可可豆朱古力味好重，可可粉都佈滿咗在成個杯面上，而且咬落去好脆口，而杯野飲唔會太凍。個一字骨呢，完全無肥肉👍🏻，浸得好入味。而且啖啖肉，點上蒜蓉丶辣椒🌶️同醬油，味道更濃烈。肉骨茶嘅味道好濃藥材味。