熱沙咖啡 (已搬遷) 新店位置

復活節假期麗都馬灣，以為係個美食沙漠，點知原來喺馬灣村隔離有一間隱世Cafe：熱沙咖啡 Coffee On the Sand由於小弟就有幸去過土耳其，覺得嗰度嘅嘢食都幾啱我口味，所以都期待喺馬灣會有地道嘅土耳其餐食，今日同女朋友就叫咗兩個午市套餐：分別係土耳其特色雞肉飯同埋卡巴。先講餐廳佈置啦，其實餐廳都幾有土耳其風咖啡杯都係土耳其專用，店舖入邊又有好多植物燈光亦都用咗少少出邊嘅自然光，咁所以打得卡黎成件事都幾ig-able. 食物方面，每個餐都有半碟份量十足嘅沙律，夠晒健康，不過雞肉方便就較為失望啦，由於餐牌寫住土耳其特色雞肉同埋卡巴，再加上我喺土耳其或者本港其他中東餐廳見到，卡巴係要一路轉一路烤，再一路刨落嚟嘅，但係碟上嘅雞肉似乎同普通炒雞肉冇分別。但係叫咗兩杯土耳其咖啡，做法總算正宗，飲得返當時土耳其嘅味道所以總括而言除咗雞肉之外呢間餐廳都值得去嘅，同埋都坐得幾舒服，有種慢活嘅感覺又適合影相打卡，所以都俾個好評佢啦！