花華 (已結業)

美食沙漠有飯開 假日等咗半粒鐘🥲.🐽 本地豬肉配雞肝醬手工意粉 $98大大粒嘅肉碎 帶有肉汁肉香唔會乾柴雞肝醬令到肉粒更油潤 更易入口😋手工意粉偏硬 麵條有厚度得嚟又幾香食到麵粉好亦容易掛汁 整體係幾滿意.🎃 南瓜雲呑配羊奶芝士合桃 $108落咗咁多款汁撈埋一齊 估唔到咁夾南瓜汁香得嚟又夠滑順 唔會太搶戲加上黑醋嘅微酸 配淡味嘅芝士好襯手工餃子個意粉皮就會軟身同薄啲🥟.🌸 司康配自家果醬/忌廉芝士 $58少油少甜但都仲做係鬆軟嘅😚感覺上比較簡單 有幾片無花果乾咁🥲.咖啡好飲 仲有壺唔知咩茶都好飲！