一鼎茶

營業中

休息中

一日同朋友喺馬鞍山MOSTown新港城中心行街，啱啱口渴嗰陣見到呢間top pot tea。我哋睇咗睇佢哋嘅餐牌，覺得價錢好合理，就順勢同朋友一人叫咗一杯嘢飲。我自己就叫咗【香水爆檸】，跟住我個朋友就叫咗佢哋嘅【霸王水果茶】，兩杯嘢飲總共都係$81。佢哋嘅【香水爆檸】我個人覺得好清涼解渴，有陣好香嘅檸檬味，酸酸哋嘅香味仲可以提神，口渴嗰陣飲落去真係好爽。朋友叫咗嘅【霸王水果茶】，佢揀咗西瓜配百香果，西瓜嘅甜，再加埋百香果嘅香，完美噉配合埋茶香，一杯落肚，我朋友飲完都覺得神清氣爽。呢間top pot tea真係值得推介，價錢公道，飲品好飲！