陳勤記鹵鵝飯店 (已結業)

今日同朋友喺上環附近搵嘢食，喺A出口附近開始搵，見到有間米之蓮推介嘅中國食府，於是就入去試吓。入面嘅裝飾充滿中國特色，有大型嘅燈籠，同一個金漆招牌。我哋叫咗馳名滷水鵝4分1的下裝，以及蠔仔粥二人份，上湯煮白菜仔，仲有手撕雞加海蜇。馳名滷水鵝4分1的下裝首先送上，雖然只係得四份一隻滷水鵝，但係兩個人食絕對足夠，因為隻我好大隻，滷水好入味。之後係上湯煮白菜仔同蠔仔粥二人份，上湯煮白菜仔味道不錯。蠔仔粥好鮮甜，味道有驚喜。最後係手撕雞加海蜇，海蜇好爽口好新鮮，手撕雞亦都好入味。