許記麵家

營業中

休息中

大埔名物許記醉雞，個個嚟到都話要食醉雞，咁我今次就試吓其他嘢啦。除左醉雞之外，之前有喺度食過蝦子撈麵同豬耳（一定要試）都幾好食，今次就叫左個豬雜麵。 豬雜有四樣野，包括豬心、豬潤、豬肚同埋豬粉腸。基本上應該嫩則嫩，應爽則爽。作為一個豬潤愛好者，呢度嘅豬潤雖然唔係啲咩主打招牌菜，但係都唔錯。 麵質都彈牙爽口，再加埋秘製辣椒油，真係食到lam lam脷。呢度嘅辣椒油都值得推介，係帶有少少麻辣味同埋比起其他麵店嘅辣椒油辣少少。