潮叔 (駱駝漆大廈第三座) (已結業)

咁啱喺駱駝漆行街，行到四樓聽日盡頭，有一間叫做潮叔嘅舖頭，見到有一個$88嘅火鍋，可以揀潮汕牛肉 ，就入咗去食。環境都幾乾淨，獨立包裝嘅餐具，夠光猛。$88火鍋可以揀想要嘅肉類同主食。一個人食嘅份量都非常之足夠。除咗潮汕牛肉同主食之外，仲有唔同款嘅丸，新鮮嘅蔬菜。我揀咗清清地嘅蕃茄薯仔湯，除咗蕃茄同薯仔每樣一兩嚿之外，仲舊粟米。另外，我仲叫兩個小食，$24有咁多件都好抵食，熱辣辣要攤凍啲先至好食～夜晚都坐滿晒人，如果想去就記得盡早book位。