壽喜燒 友 (已結業)

媽咪同朋友食完呢間「壽喜燒 友」，立即帶埋我嚟分享好味既和牛🐮。首先，餐廳環境佈置好日式園林系，環境仲舒適乾淨，店員又友善！媽咪話最鍾意店中既竹林同簡約設計🎋前菜🍽️沖繩水雲、松葉蟹凍蛋、鴨肉松風、蜜柑寒天沖繩水雲口感清爽且豐潤。松葉蟹凍蛋質地綿密柔滑，入口即化。鴨肉松風鮮嫩多汁，感受到日本料理精緻同細膩。蜜柑寒天，蜜柑清新，寒天質地柔滑，一咬口感清涼舒爽，美味又健康😉壽喜燒🥩A4和牛 -肉眼，西冷，肩肉和牛香嫩多汁，特別喜愛肉眼。廚師係正我地面前煮，煮得剛好軟熟又香噴噴，非常好味，味道豐富且唔會好膩，媽咪都話食過翻尋味👍🏻壽喜燒🍝炒芋絲賣相吸引，粉絲擁有柔軟口感，完美吸收了壽喜燒醬汁同香氣，配埋A4和牛簡直係完美配搭啊😆滑蛋蓋飯🍳柔軟、順滑既蛋皮，覆蓋係香噴噴既白飯上面，當每一啖咬落去時，蛋皮既爽滑同米飯既香氣完美融合，令人愉悅。滑蛋味道鮮美，口感綿密，豐富口感😋媽咪真係推薦得非常好，食物高品質，仲可以睇廚師大展身手，都係$580 per head，下次叫埋朋友一齊再試！