新金豐餐廳

營業中

休息中

Item: 新金豐餐廳
Rating: 5
Author: 肥髀媽

New Kam Fung Restaurant

3.5

69 食評

味道

環境

服務

衛生

抵食

661

葵涌

$50以下

港式茶餐廳/冰室咪嘥嘢食店

資訊:
餐廳:	新金豐餐廳

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

肥髀媽

等級4

2.6K

日日週圍遊做嘢！响街搵食都係日常要煩嘅重要事！今日四個人去到石蔭！已經係下午茶時間，連午餐都未食！穩陣啲都係上openrice睇一睇！揀咗呢一間茶餐廳，茶餐廳最好，乜都有得食，人人都一定揀到！因為要睇住架車！所以坐响近窗卡位！好快已經揀咗下午茶餐嘅「星洲炒米」($31)包熱檸茶！因為呢間餐廳未食過，揀呢樣係要穩陣！都要等10分鐘先上菜（要等即係即炒）賣相好靚，份量男仔食都夠飽，米粉炒得乾身！條條分明！唔會碎濕濕！仲要煙韌！其他配料足料！蝦唔會爽而無味，好多叉燒同火腿絲，仲有雞蛋、洋蔥同芽菜，見配料多過米粉！咖哩粉香而不辣，好均勻痴住米粉！講真星米嘅材料好簡單，又唔係貴價嘢，但炒得好嘅好難！呢碟真係近期食茶餐廳嘅最好味星米！茶餐廳熱檸茶茶膽有保證，香濃但唔澀，雖然唔係用瓦杯，都用厚身有耳膠杯！有啲茶餐廳用透明無耳膠杯裝熱飲！熱嘅時候攞唔起嚟飲，攞得起時已經涼咗，唔好飲！餐廳裝修新淨光猛，桌椅唔會油淋淋，難得廁所乾淨，有齊吹手機，洗手液同廁紙！地下無水漬，唯一係無個勾掛手袋！唔方便女士！呢間茶餐廳衛生真係唔錯！因為見到侍應趁下午茶時候少人，執拾餐具櫃桶！而且侍應有禮！同事讚侍應上飲品時，會

日日週圍遊做嘢！响街搵食都係日常要煩嘅重要事！

今日四個人去到石蔭！已經係下午茶時間，連午餐都未食！穩陣啲都係上openrice睇一睇！揀咗呢一間茶餐廳，茶餐廳最好，乜都有得食，人人都一定揀到！因為要睇住架車！所以坐响近窗卡位！好快已經揀咗下午茶餐嘅

「星洲炒米」($31)包熱檸茶！因為呢間餐廳未食過，揀呢樣係要穩陣！

都要等10分鐘先上菜（要等即係即炒

）賣相好靚，份量男仔食都夠飽，米粉炒得乾身！條條分明！唔會碎濕濕！仲要煙韌！其他配料足料！蝦唔會爽而無味，好多叉燒同火腿絲，仲有雞蛋、洋蔥同芽菜，見配料多過米粉！咖哩粉香而不辣，好均勻痴住米粉！講真星米嘅材料好簡單，又唔係貴價嘢，但炒得好嘅好難！呢碟真係近期食茶餐廳嘅最好味星米！茶餐廳熱檸茶茶膽有保證，香濃但唔澀，雖然唔係用瓦杯，都用厚身有耳膠杯！有啲茶餐廳用透明無耳膠杯裝熱飲！熱嘅時候攞唔起嚟飲，攞得起時已經涼咗，唔好飲！
餐廳裝修新淨光猛，桌椅唔會油淋淋，難得廁所乾淨，有齊吹手機，洗手液同廁紙！地下無水漬，唯一係無個勾掛手袋！唔方便女士！呢間茶餐廳衛生真係唔錯！因為見到侍應趁下午茶時候少人，執拾餐具櫃桶！而且侍應有禮！同事讚侍應上飲品時，會講清楚每杯飲品！呢樣好多地方都做唔到！尤其奶茶、咖啡、鴛鴦呢類飲品好易攪錯！所以呢餐除咗食物好味！服務同衛生先至難得！抵讚！