黃金冰室 (成業街)

營業中

休息中

今日經過觀塘約咗朋友食下午茶,朋友介紹黃金冰室高分食品,入到去環境都幾好,卡位比較多,冷氣就唔係好夠,坐咗入面卡位諗住會涼啲,坐落都仲係比較熱,下午茶叫咗幾個套餐唔記得影相,佢啲出品都確係幾吸引,好食,但係奉勸唔好坐近廚房水吧之類嘅地方,啲樓面嘅服務就真係唔得,成班女人企喺水吧細聲講大聲笑,嘢又唔做喺度吹水,叫佢埋嚟落單就求求其,咁我哋都係食嘢啫同埋傾下偈,但你啲樓面把聲先大到我哋都傾唔到計,好似佢哋傾計仲多過我哋傾計！其實除咗食物質素之外,樓面嘅服務態度都好影響人哋嚟幫襯嘅！