影片
更多
2024-03-05
39 瀏覽
天氣咁凍梗係要去打下邊爐啦~ 咧個火鍋+放題套餐就啱曬！！我哋叫咗個美國牛頸脊套餐。一定要講下佢嗰兩款牛肉。我一直好中意食牛板腱，唔會肥之餘，肉質唔柴，另外有啲筋夾喺肉入面，食落好有口感。至於牛頸脊呢，就係喺牛頸及肩胛之間嘅，係牛隻活動最多嘅部位，見佢脂肪唔多，分佈得又好平均，有肉味之餘又有咬口，咧兩款肉啱曬中意食肉又怕肥嘅人（我）！！玉子同蟹柳不嬲都係我摯愛，佢啲小卷包住玉子同蟹柳嘅飯唔多，可以留多啲quota食其他嘢。佢個醋飯其實幾好食，如果唔係食放題真係會叫多幾碟～至於甜品，講真唔係好多地方有蕨餅食，有都頗貴，佢咧度趁住放題就梗係點都試下啦～ 好香抹茶味之餘，蕨餅唔會好甜，配上抹茶粉嘅微苦啱啱好，煙煙韌韌咁好好食！佢仲有好多小食同火鍋料可以叫，不能盡錄。特別提下佢咧度竟然有陳皮魚蛋，真係唔多打邊爐嘅地方會見到，中意嘅不妨去試下！！
玉子同蟹柳不嬲都係我摯愛，佢啲小卷包住玉子同蟹柳嘅飯唔多，可以留多啲quota食其他嘢。佢個醋飯其實幾好食，如果唔係食放題真係會叫多幾碟～
至於甜品，講真唔係好多地方有蕨餅食，有都頗貴，佢咧度趁住放題就梗係點都試下啦～ 好香抹茶味之餘，蕨餅唔會好甜，配上抹茶粉嘅微苦啱啱好，煙煙韌韌咁好好食！
佢仲有好多小食同火鍋料可以叫，不能盡錄。特別提下佢咧度竟然有陳皮魚蛋，真係唔多打邊爐嘅地方會見到，中意嘅不妨去試下！！
張貼
