影片
更多
2021-04-19
57 瀏覽
中環嘅上班族對呢間位於中環小巷子中嘅泰越餐廳應該都唔會陌生，大大兜嘅份量，便宜嘅價錢，平日喺中午時分總能吸引到一堆辛苦工作咗一個朝早嘅人們過嚟買嘢食。同大部份上班嘅人一樣，B仔平時大多數都係中午時分嚟，不過今日早收工，就約咗同事過嚟試下佢哋嘅晚餐質素如何。入到黎先發現，原來佢哋嘅裝修頗有心思，係80～90年代嘅香港懷舊風，比大家作為打卡背景很不錯。「越式軟殼蟹芒果米紙卷$86 」柔軟有彈性嘅米紙，包裹住炸得香脆熱辣辣嘅軟殼蟹、爽口蘿蔔絲、清新西生菜、香甜芒果同埋自家醃製嘅酸薑，整個配搭顏色豐富，單睇貌相，已令人頗有食慾，而入口則感覺味道豐富，濕潤多汁，整體不錯，唯獨個人本身就唔係特別鍾意酸薑，如果你同我一樣嘅話，可以叫侍應幫忙通知廚房製作過程唔好落酸薑（呢度嘅侍應非常nice)。「泰式黃咖喱牛腩煲 $78」青椒、紅椒、薯仔、洋蔥及牛筋腩，望落非常基本嘅材料，卻係被炮製得非常美味，黃咖喱椰汁味濃，完全唔辣，配白飯定係蒜蓉包都一流，簡簡單單嘅美味，已能令人倍感滿足。「泰式咖喱虎蝦煲 $198」本來想叫佢哋嘅虎蝦粉絲煲，不過同事正進行生酮減肥中，為咗配合佢走澱粉，我哋就叫左呢一個虎蝦煲，望落
同大部份上班嘅人一樣，B仔平時大多數都係中午時分嚟，不過今日早收工，就約咗同事過嚟試下佢哋嘅晚餐質素如何。入到黎先發現，原來佢哋嘅裝修頗有心思，係80～90年代嘅香港懷舊風，比大家作為打卡背景很不錯。
「越式軟殼蟹芒果米紙卷$86 」
柔軟有彈性嘅米紙，包裹住炸得香脆熱辣辣嘅軟殼蟹、爽口蘿蔔絲、清新西生菜、香甜芒果同埋自家醃製嘅酸薑，整個配搭顏色豐富，單睇貌相，已令人頗有食慾，而入口則感覺味道豐富，濕潤多汁，整體不錯，唯獨個人本身就唔係特別鍾意酸薑，如果你同我一樣嘅話，可以叫侍應幫忙通知廚房製作過程唔好落酸薑（呢度嘅侍應非常nice)。
「泰式黃咖喱牛腩煲 $78」
青椒、紅椒、薯仔、洋蔥及牛筋腩，望落非常基本嘅材料，卻係被炮製得非常美味，黃咖喱椰汁味濃，完全唔辣，配白飯定係蒜蓉包都一流，簡簡單單嘅美味，已能令人倍感滿足。
「泰式咖喱虎蝦煲 $198」
本來想叫佢哋嘅虎蝦粉絲煲，不過同事正進行生酮減肥中，為咗配合佢走澱粉，我哋就叫左呢一個虎蝦煲，望落橙紅嘅顏色好似好辣，但係其實食落去完全冇辣勁，只有辣香，食唔到辣嘅朋友仔都絕對可以handle到，大大隻虎蝦爽口彈牙，鮮味突出，一食就知唔係冰鮮質素，三兩下就比我們吃過清光。
「泰式黑糖珍珠奶茶」
橙橘色嘅泰茶，顏色對路，望落頗正宗，一啖飲落去，獨特嘅泰茶茶香、甜而不膩嘅煉乳味、如絲一般嘅順滑口感，令人工作整天的疲累有種一掃而去嘅感覺，加埋煙韌有咬口嘅黑糖珍珠，我想這就是幸福的味道吧🎈。
張貼
