沙田頭火鍋 (已結業)

最近一直食西餐，好耐冇打邊爐，朋友仔話油麻地附近有間火鍋店，包保我食到舔舔脷～一入門坐低右手邊有幾張黑白舊照，小朋友開心咁玩呼啦圈。問夥計先知同餐廳名「沙田頭」有關係，餐廳老闆同拍檔細細個一齊喺沙田頭長大，間火鍋店就係佢地手足之情嘅象徵！我地未入黎就係想試佢個牛味極濃嘅牛皇鍋！夥計即刻讚我哋識食，話個湯底由三種牛骨例如牛脊骨大火生熬出黎，一定惹味！而且上面啲坑腩份量多到我地唔洗再嗌牛食😆我自己比較偏好自家手工嘢，就試試手打鮮蝦丸同手打鯪魚丸。大大粒，真係有完整蝦仁喺裏面，好有咬口，食得出手打真係唔同啲！跟住伙計推薦自家韭菜餃、自家鳳城靚水餃、黃金蛋包餃、竹笙豬肉餃，佢都好體貼明白我地想識晒唔同款，所以每樣安排兩隻，真係好多謝佢～結果一咬，真係真材實料，皮薄餡靚，啖啖肉！我最重要黃金蛋包餃，厚厚蛋皮包住蝦餡，好好味！西班牙黑豚肉放差唔多兩分鐘就食得，豬味好濃，百零蚊大大碟～我同我嗰朋友差唔多食唔晒😂我多嘴問句點解平過其他火鍋店啲肉都幾高質，先知老闆係有經營凍肉生意，所以鋪頭啲肉會平靚正！龍躉皮出面好少見！唔洗一分鐘就食得，好爽口，咬咬下好煙韌！一眼以為魚肚係豬皮，真係唔識貨😂魚肚一定比豬