越北牛肉粉專門店 (已搬遷) 新店位置

呢排食得多煎炸嘢，今日午餐想食越南嘢，喺Openrice揾到越北牛肉粉，記得好耐之前都食過一次，今次再試下先。家人叫咗越北綜合牛肉湯粉，個湯好香，或者有小小過咸，不過可以接受。生牛肉片，牛肉丸及牛腩都好食，金邊粉口感都唔錯。我叫咗蕃茄牛腩湯粉，蕃茄湯都算幾濃，同樣係有啲過咸，如果可以淡番少少會更好，牛腩好香又嫩，唯一係有一舊較肥，要扣分。另外加咗個馬拉通菜，可能2個粉都有小小咸，所以食呢個菜時，反而係好似唔夠味，不過其實係OK的，而且又夠香。會再幫襯試下其他的食品。