龍鳳祥餃子館 (已結業)

帶左個外國朋友去完廟街，就決定帶佢試下北方食物。呢度好近地鐵站，又喺長期大排長龍既澳牛隔離，好易搵。話明餃子館當然要食餃子，呢度嘅餃子全部都係人手即刻包，今次我地就叫左一碟雙拼餃。一半係常見既韮菜豬肉餃，韮菜同豬肉比例岩岩好，又唔會太濃韮菜味，外國朋友第一次食都接受到。另一半係蕃茄雞蛋餃，蕃茄唔會出哂水，d蛋仲係一粒粒，有蛋味，唔係好多地方會有呢款餃，嚟到一定要試下！除咗餃子我哋仲要左一碗紅燒肉拌麵，紅燒肉完全唔肥，非常入味，個人應為加少少醋，成碗麵更加香。仲要多左個雞絲粉皮，d麻醬唔會太稀太稠，而且好多青瓜同雞絲，好食！呢間小店既食物性價比好高，d服務員都好親切，外國朋友都話冇介紹錯！