唐記包點 (港鐵葵芳站)

營業中

休息中

繼我上一次食唐記咖哩牛腩既意外驚喜之後，今次試咖哩雞！一樣足料，洋蔥紅蘿蔔同薯仔都有三至四塊，雞反而有五至六塊，但係有骨雞件，鍾意啖啖肉既人就差少少啦！份量對正常胃口足夠有餘，而咖哩質地偏杰身，辣度可接受，食完會出少少汗，係陰陰沉沉既天氣食少少辣個人清爽曬，同咖哩牛腩一樣咖哩底，茴香味幾突出，同港式咖哩有分別3字頭既價錢，咁既質素，我滿意有餘，性價比好高。另外一樣比蒸飯優勝既地方，呢啲住家飯系列送同飯全部獨立一份份，衞生贏曬。