王朝潮盛館 (已結業)

細細個住新蒲崗，而家去返，好多嘢都翻新咗，高手在民間嘅食肆都多咗好多。呢間位於新蒲崗嘅潮州飯館，地方新淨企理，店員有著親切老街坊嘅感覺。望下餐牌真係樣樣都好吸引想食，有眾多海鮮選擇，好難先揀到呢三樣菜。🤍生啫白鱔熱鍋燒得吱吱作響，陣陣薑蔥香味撲鼻而來，而白鱔肉彈牙入味，份量唔少 ，送飯正呀！ 🤍蠔餅蠔餅唔算好大份，但睇張相就知道真係落足蠔仔架，粒粒飽滿。蠔餅炸成金黃色，脆邊香口。 🤍滷水鵝片蠟燭一直溫熱住滷水鵝，這點很值得加分。鵝片同墊底嘅豆腐吸收晒香而不鹹嘅滷水汁。