RuRu Tapas Restaurant (已結業)

好日都唔會嚟大角咀呢頭 但今日咁岩嚟到呢度附近又俾我誤打誤撞搵到間幾唔錯嘅西班牙小餐廳😏 餐廳嘅裝修風格都幾chill 夜晚就會變成酒吧🍻呢度嘅食物主打西班牙菜 而且種類都幾多講到西班牙菜又點少得西班牙辣椒仔•西班牙辣椒仔🫑•-雖然叫得做辣椒仔 但其實食落一啲都唔辣架！所以唔食辣嘅朋友都唔使怕😆呢度嘅師傅炸到外皮得勁香脆 但咬落就爽口甘甜👍🏻•西班牙芝士拼盤🧀•-雖然平時好少食芝士 但今次食主要係欣賞佢哋嘅配搭！外國人食芝士可能會配埋少少蜜糖 但呢度就用咗港式做法 餐廳自家製一啲炒芝麻糖送芝士 同樣都係帶少少甜 但就脆口好多 估唔到呢個配搭又幾襯😍•慢煮雞胸🐔•-終於到主菜啦！呢款真係超級值得推介 因為餐廳係用咗日本雞 食落肉質鮮甜之餘仲用咗慢煮嘅做法 可以鎖住雞嘅肉汁 仲要勁彈牙 簡直係將雞肉帶到另一個層次🤣🤣.估唔到呢間看似酒吧嘅西班牙餐廳質素咁高 下次飲嘢可以再嚟一試🙈