港宴海鮮火鍋

營業中

休息中

果日我無意中行過見到間新開既火鍋店好elegant ，早兩日我朋友生日於是就去呢間試下，因為上網見到裝修好正，啱哂我個生日朋友🥲 一入去好豪華既感覺，啲座位間格得好好，每張枱私隱度都高，裝修有氣派，仲播啲hit songs 😅 🥢杏汁豬肺湯：奶白色嘅湯底，豬肺洗得好乾淨，杏汁味道適中，呢啲湯底唔係度度地方有，考功夫之作，湯熬得好甜夠火喉。🥢安格斯特級手切肥牛 ：肉質及脂肪比例最平均，細細塊唔厚身。🥢自家即炸響鈴卷 ：炸得脆脆的，新鮮唔會啡黃色炸得過火。🥢魚肚 ：帶啲彈牙，索哂啲湯汁。🥢手打四寶丸 ：牛丸、蝦丸、鯪魚球同墨魚丸，都好彈牙，一食就知自家手打，味道比較鮮香。🥢自家水餃皇自家韮菜餃 ：水餃入邊啲蝦好大隻，新鮮，韭菜餃調味得唔錯，入邊Juicy.🥢雜菜拼盤 ：呢個擺盤好靚，平時啲火鍋店唔會咁有心機放得咁靚😆重點係佢入邊好多款蔬菜，淨係菜都四款，仲有蕃茄，粟米，車厘茄同冬瓜片。🥢自家製牛奶仙草紅豆芋圓：店員話跟我做緊優惠， like 社交平台就送。食落去係唔甜，食完邊爐食佢又幾完滿喎個感覺。