Bostonian Seafood & Grill (已結業)

今日公司請食飯，出手好闊綽，來到朗廷酒店，試下呢間 bostonian seafood and grill, 好開心。真係太少食高級嘢，西餐餐牌唔係好識睇，不過大概估到係食咩肉，揀咗紅酒燴牛扒。賣相好靚，知道係牛面頰的部分，但係冇諗過煮到好淋，覺得冇曬肉嘅質感， 似係炆牛腩咁嘅質地，個人口味不太喜歡，比較喜歡食西冷牛扒質地多啲。朱古力mousse好好味，上面兩粒波波係朱古力鬆餅仔，好過癮，軟滑我mousse上面配搭鬆餅，再加上鬆餅上面又有啲脆脆口感嘅焦糖，層次好豐富，食嘅期間，侍應再淋上熱朱古力醬任你點，朱古力控的我非常喜歡！