櫻木 (裝修中)

今晚見客, 公司為左唔想得失個大客, 於是就安排左係附近既高級日本餐廳"櫻木"食晚飯。餐廳內設部分卡位, 座位舒適寬敞。我就Order左個魚生飯, 不過睇返之前既食評, 先知道原來呢個飯相比半年前加左價, 而且宜家入座已經冇任何前菜同埋餐飲、甜品送了... 【北海魚生飯】HK$280刺身款式多, 足夠佈滿整個飯既表面, 單睇賣相刺身色澤已經非常新鮮!刺身包括有三文魚籽、海膽、蟹棒、立魚、三文魚、帆立貝、蛋等等...特別係海膽鮮甜, 入口即溶同埋立魚略帶口感, 唔會好乾身個飯係日本醋飯, 當中有少少芝麻, 食落幾香, 飯質軟硬適中, 唔會太實痴到一舊舊~待應服務招呼亦不錯, 經常主動為我地加茶。 公司果然冇介紹錯, 整個晚餐令我地很滿足。