影片
更多
2021-06-07
75 瀏覽
公司樓下開咗一間好精緻嘅中菜館，一路都冇機會試，今晚終於可以同好姊妹一齊品嚐美食。一入門口就見到一大個書架，喺食肆裏面見到呢一種裝修，感覺截然不同，充滿文化氣息，行入啲見到另一幅花牆亦相當有特色，亦都與店名「探花」互相輝映。餐廳地方都唔細，我哋坐近靠玻璃嘅地方，望到街景感覺比較光猛寬敞。枱面精緻嘅餐具，再加上註明是英記茶莊嘅茶，絕對是高一級嘅享受。晚餐有二人套餐（ $488 ），亦都可以散叫，點賽後店員立即送上話梅車里茄子，原來所有晚市嘅客人都會免費獲得呢個餐前小食。剝咗皮嘅車厘茄用話梅浸過，面頭還有桂花點綴，酸酸甜甜勁多汁，清潤又開胃。跟住有紅蝦多士（ $78 /兩件），上枱嘅時候已經聞到蝦味濃郁，還有用紅蝦頭和蝦膏熬製嘅醬汁，多士脆脆的，隻蝦真係好鮮味，讚！煙燻素鵝（$78 ），用腐皮包住切碎嘅紅蘿蔔/萵筍/菇，材料本身清清地，咬落爽口，同時煙熏味相當濃烈，拎齋菜更添一層味覺，而且上菜時更有特別冒煙效果，非常有心思。主菜方面點要了一個拔絲咕嚕肉（ $158），真係可以拉絲㗎，外皮趣卜卜，甜絲絲又好香口，好味！另外一個手撕包菜（ $108 ），其實就係炒椰菜，好新鮮，味道夠！仲有干炒
公司樓下開咗一間好精緻嘅中菜館，一路都冇機會試，今晚終於可以同好姊妹一齊品嚐美食。一入門口就見到一大個書架，喺食肆裏面見到呢一種裝修，感覺截然不同，充滿文化氣息，行入啲見到另一幅花牆亦相當有特色，亦都與店名「探花」互相輝映。
餐廳地方都唔細，我哋坐近靠玻璃嘅地方，望到街景感覺比較光猛寬敞。枱面精緻嘅餐具，再加上註明是英記茶莊嘅茶，絕對是高一級嘅享受。
晚餐有二人套餐（ $488 ），亦都可以散叫，點賽後店員立即送上話梅車里茄子，原來所有晚市嘅客人都會免費獲得呢個餐前小食。剝咗皮嘅車厘茄用話梅浸過，面頭還有桂花點綴，酸酸甜甜勁多汁，清潤又開胃。
跟住有紅蝦多士（ $78 /兩件），上枱嘅時候已經聞到蝦味濃郁，還有用紅蝦頭和蝦膏熬製嘅醬汁，多士脆脆的，隻蝦真係好鮮味，讚！
煙燻素鵝（$78 ），用腐皮包住切碎嘅紅蘿蔔/萵筍/菇，材料本身清清地，咬落爽口，同時煙熏味相當濃烈，拎齋菜更添一層味覺，而且上菜時更有特別冒煙效果，非常有心思。
主菜方面點要了一個拔絲咕嚕肉（ $158），真係可以拉絲㗎，外皮趣卜卜，甜絲絲又好香口，好味！
另外一個手撕包菜（ $108 ），其實就係炒椰菜，好新鮮，味道夠！
仲有干炒澳洲M7西冷河粉（$188 ），呢個與一般乾炒牛河當然不能同喻，塊牛睇落去都唔同啲，食落更加覺得好有牛味，真係未食過咁高級嘅炒牛河！😂😂
張貼
