黃枝記 (已結業)

呢日中午, 同朋友嚟幾出名既黃枝記食細蓉。嚟碗我最愛既細蓉先。為怕麵浸淋左, 食左麵先, 麵幾煙韌而且幾香鴨蛋味。雲吞細細粒, 一口一粒, 滑而爽, 好味!! 豬手就未夠稔, 調味都唔錯。粥裏面既皮蛋同肉多到成碗都系, 非常誇張! 粥好綿好滑, 皮蛋雖然多但唔太夠香, 美中不足。朋友大食, 叫多隻糭, 唔太鍾意食糭既我都覺得唔錯, 唔會有好膩濟既感覺。糭糯米比例較多, 包着咸香既蛋黃同五花腩, 既香口又邪惡。食物水準唔錯, 環境亦好, 唔會食到成身汗, 值得再嚟!