高橋沾麵製作所 (已結業)

不嬲都會抄底朋友說過好的餐廳，呢間高橋沾麵就係例子。係奧海城food court 入面有好野？我都覺得幾出奇，仲要又話龍蝦湯底又有3L廣島蠔，都係唔駛$100一碗，仲要幾個朋友推薦，真係會令人好好奇。呢日行開個頭，一個人都要試下呢個極上3L廣島蠔龍蝦沾麵，講真，剩係個名都值一舊水。最重要唔多人排隊，缺點係無左拉麵店風味，不過野食好就無問題。拉麵選擇好多，沾麵當然優先了，第一次試當然要試佢最出色嘅極上3L廣島蠔龍蝦沾麵。不用10分鐘便上菜，非常快。熱辣辣嘅鍋，龍蝦湯嘗一口，係幾濃幾香同有微微龍蝦香，不過弱點係唔夠湯。個麵係幾掛湯，都算香麥味，我相信吃拉麵都會唔錯。隻溏心蛋，算合格。叉燒唔算太肥，較為薄的那種，肉唔算太多，我覺得剛好。3L廣島蠔當然係重點，都幾大隻，炸得唔算熱氣，而家保持到那股廣島蠔的濃烈香氣。可惜今日得一個人，試唔得多，沾麵來些，有啲誠意，佢嘅選擇都算多，以Food court水準，完全唔hea。